“Ղազախստան. արժեքների վրա հիմնված նախաձեռնություններ” ծրագիր

ԵԱՀԿ նախագահությունը ստանձնած ԱՊՀ անդամ-երկրներից առաջինը եղել է Ղազախստանը: Աստանայում 2010 թվականին անցկացված ԵԱՀԿ գագաթնաժողովը բացահայտեց այս երկիրը որպես նախկին խորհրդային պետությունների շարքում ամենաշատ առաջընթաց գրանցածներից մեկի, ինչը վերաբերում է հասարակական-քաղաքական կյանքի գրեթե բոլոր ոլորտներին: Ղազախստանը ներկայացավ որպես եվրոպական և ասիական քաղաքակրթությունները կապող յուրօրինակ կամուրջ: Հաշվի առնելով քաղաքական-պատմական ընդհանուր անցյալը, ինչպես նաև ներկա կապերը Ղազախստանի հետ՝ կարծում ենք, որ Հայաստանի համար կարևոր է առավել մոտիկից և մանրամասն ծանոթանալ այդ երկրի տարբեր նախաձեռնություններին՝ “Աշխարհն առանց միջուկային զենքի” նախաձեռնությունից մինչև “EXPO 2017″: Այս գործին նպաստելու համար մեր կազմակերպությունը Հայաստանում Ղազախստանի դեսպանատան աջակցությամբ իրականացրեց “Ղազախստան. արժեքների վրա հիմնված նախաձեռնություններ” ծրագիրը:

Ծրագրի նկարագրությունը

“Ղազախստան. արժեքների վրա հիմնված նախաձեռնություններ” ծրագիրն ուղղված էր մեր հասարակությանը Ղազախստանի ժամանակակից նախաձեռնողական քաղաքականությունը ներկայացնելուն: Ծրագիրը բաղկացած էր չորս բաղադրիչից, որոնց շրջանակներում մենք համագործակցել ենք “Արմեդիա” տեղեկատվական, վերլուծական գործակալության (ՏՎԳ) հետ:

 Ծրագրի բաղադրիչները.

1. Կլոր-սեղան քննարկումներ

Ծրագրի այս բաղադրիչով իրականացվել են չորս կլոր-սեղան քննարկում Երևանում և մարզերում մեկ ընդհանուր թեմայի շուրջ` “Ղազախստան. արժեքների վրա հիմնված նախաձեռնություններ”:

Քննարկումներին մասնակցել են Երևանի և մարզերի երիտասարդներ, քաղաքագիտության, միջազգային հարաբերությունների, տնտեսագիտության և այլ մասնագիտությունների ուսանողներ, ինչպես նաև ՀՀ դիվանագիտական և քաղաքական էլիտայի ներկայացուցիչներ, փորձագետներ, քաղաքական գործիչներ, տնտեսագետներ, լրագրողներ, այլ մասնագետներ և ՀԿ դաշտի ներկայացուցիչներ:

Քննարկումների լուսանկարները

Քննարկումների լուսաբանում՝

2. Փաստագրական ֆիլմի պատրաստում

Ծրագրի այս բաղադրիչի շրջանակներում պատրաստվել է “Ղազախստան. էկոլոգիայից մինչև քաղաքականություն” փաստագրական ֆիլմ: Այդ նպատակով գործընկեր “Արմեդիա” ՏՎԳ լրագրողական խումբն այցելել է Աստանա և Ղազախստանի ժամանակակից նախաձեռնողական քաղաքականության մասին նկարահանումներ և հարցազրույցներ իրականացրել, նյութեր հավաքագրել:

Լուսաբանում

3. “Ղազախստանի նախաձեռնությունները” գրքի պատրաստում և հրատարակում

Ծրագրի այս մասով հրատարակվել է ռուսերեն և հայերեն լեզուներով “Ղազախստանի նախաձեռնությունները” գիրքը: Հրատարակումից հետո գիրքն անվճար տրամադրվել է հայաստանյան տարբեր գրադարանների, պետական կառույցների և դիվանագիտական ներկայացուցչությունների, ինչպես նաև քաղաքացիական հասարակության կազմակերպությունների:

4. Լուսանկարների ցուցահանդեսի անցկացում

Այս բաղադրիչով տեղի է ունեցել լուսանկարների ցուցահանդես Երևանում և մարզերում՝ “Բարեկամ երկիր” թեմայով:

——