ԵՎՐԱՄԻՈՒԹՅՈՒՆԸ 60 ՄԼՆ ԵՎՐՈ ԿՀԱՏԿԱՑՆԻ ՎՐԱՍՏԱՆԻՆ

Վրաստանի եվրոպական և եվրաատլանտյան ինտեգրման հարցերով նախարար Դավիթ Բաքրաձեն և Եվրահանձնաժողովի` ընդլայնման և հարևանության քաղաքականության տնօրինության ղեկավար Ջերարդ Շուման Հիլերը Թբիլիսիում ֆինանսական երկու համաձայնագիր են ստորագրել, որոնցով ԵՄ պարտավորվում է օգնություն տրամադրել Վրաստանին: Այս մասին հայտնում է ТАСС–ը` վկայակոչելով Վրաստանի պետնախարարի վարչակազմին:

Գերատեսչության տվյալներով` ստորագրված փաստաթղթերից առաջինը նախատեսում է Վրաստանին ԵՄ-ի կողմից 10 մլն եվրոյի հատկացում` երկրում մարդու իրավունքների պաշտպանության, խոսքի ազատության և տեղեկատվության հասանելիության ծրագրին, ինչպես նաև իրավապահ մարմինների վերահսկողության ուժեղացմանն աջակցելու համար: Երկրորդ ֆինանսական համաձայնագրով ԵՄ-ն Վրաստանին կհատկացնի 50 մլն եվրո` արդարադատության համակարգում բարեփոխումների համար:

15.05.2015