Շենգենի համաձայնագիրը չի փոփոխվի փախստականների հոսքի պատճառով

Շենգենի համաձայնագիրը փոփոխությունների չի ենթարկվի դեպի Եվրամիություն Մերձավոր Արևելքի և Աֆրիկայի երկրներից փախստականների զանգվածային հոսքի պատճառով: Այդ մասին չորեքշաբթի օրը հայտարարել է Եվրահանձնաժողովի նախագահ Ժան-Կլոդ Յունկերը։

«Շենգենի համակարգը չի փոփոխվի իմ հանձնաժողովի մանդատի ընթացքում»,- ասել է նա՝ ելույթ ունենալով Ստրասբուրգում Եվրախորհրդարանի լիագումար նիստին:

Յունկերը միևնույն ժամանակ նշել է, որ անհրաժեշտ է բարելավել ԵՄ արտաքին սահմանների հսկողությունը:

Եվրահանձնաժողովի նախագահը նաև պաշտոնապես առաջարկել է Եվրամիության անդամ երկրներին պարտադիր քվոտաների հիման վրա առաջիկա երկու տարվա ընթացքում հավելյալ 160 հազար փախստական ընդունել Մերձավոր Արևելքից և ԱՖրիկայից:

Նշենք, որ 2015 թվականի սկզբից ի վեր ԵՄ տարածք է ժամանել շուրջ 340 հազար ներգաղթյալ:

 

10.09.2015