Խաղաղության գործընթացների բարդութունը՝ Շոտլանդիայի և Հյուսիսային Իռլանդիայի օրինակով

Սեպետեմբերի 25-ից 28-ը Երևանում «Եվրոպական ինտեգրացիա» ՀԿ-ն «Ճգնաժամերի կառավարման նախաձեռնության» (CMI) հետ համատեղ անցացրել հակամարտությունների կարգավորմանն առնչվող hարցերի թրեյնինգ-ծրագիր պետական պաշտոնյաների համար:

Ծրագրում ներգրավված են եղել Արտաքին գործերի նախարարության, Պաշտպանության նախարարության, Ազգային ժողովի, Նախագահի աշխատակազմի, Միջազգային տնտեսական ինտեգրման և բարեփոխումների նախարարության և Ոստիկանության ներկայացուցիչներ:

Ծրագրի 4 օրերի ընթացքում քննարկվել են Շոտլանդիայի և Հյուսիսային Իռլանդիայի հակամարտությունները, դրանց կարգավորման գործընթացները, խաղաղ գործընթացի բարդություններն ու յուրահատկությունները: Թրեյնինգների շարքին մասնակցել են հրավիրված փորձագետներ, բանակցային գործընթացների մասնակիցներ, քաղաքական գործիչներ Միացյալ Թագավորությունից (մասնավորապես՝ Շոտլանդիայից, Հյուսիսային Իռլանդիայից) և Շվեյցարիայից:

Սեմինարի ընթացքում հրավիրված հյուրերը մասնակիցներին են ներկայացրել Շոտլանդիայի և Հյուսիսային Իռլանդիայի գործընթացների փորձը, հատուկ շեշտադրում են կատարել բանակցությունների ընթացքի և առանձնահատկությունների վրա, քննարկել միջնորդների և կողմերի գործողությունները և այլն: Բարձրաձայնվել են այդ գործընթացներում հասարակության տարբեր շարտերի դերակատարմանն առնչվող հարցեր, քաղաքացիական հասարակության դերակատարությունը: Քննարկման առանձին թեմա է դարձել խաղաղության գործընթացն ընդհանրապես, կողմերի դիրքորոշումն ու շահերը հաշվի առնելու անհրաժեշտությունը, բանակցման տեխնիկաները և այլ կարևոր բաղադրիչներ:

Ծրագրի շրջանակներում կազմակերպվել է շոտլանդական և հյուսիս-իռլանդական փորձի դիտարկմանը նվիրված կլոր-սեղան քննարկում նաև Հայաստանի փոձագետների ներգրավմամբ:

Ավարտին մասնակիցներն ընդգծել են ծրագրի կարևորությունը, եվրոպացի գործընկերների հետ փորձի փոխանակման հետաքրքրությունը, ինչպես նաև այլ հակամարտությունների օրինակով խաղաղ գործընթացի տարբեր բաղադրիչների քննարկման և վերլուծության նշանակությունը: Հնչել են մի շարք առաջարկներ ծրագրի հնարավոր շարունակման պարագայում այլ հակամարտությունների դիտարկման վերաբերյալ: