ԵՄ-Թուրքիա համաձայնագիրն ուժի մեջ է մտել

Փախստականների հարցով ԵՄ-ի և Թուրքիայի միջև կնքված գործարքը պաշտոնապես ուժի մեջ է մտել։ Պայմանագրի համաձայն Հունաստան ժամանող փախստականները վերադարձվելու են Թուրքիա, եթե նրանք չեն դիմում ապաստանի համար կամ նրանց դիմումը մերժվում է, գրում է BBC-ն։

Գործարքի համաձայն Թուրքիա վերադարձված յուրաքանչյուր փախստականի դիմաց Թուրքիայից մեկ սիրիացի փախստական վերաբնակեցվելու է ԵՄ-ում։

Թուրքիայի քաղաքացիները մինչև 2016 թվականի հունիս պետք է իրավունք ստանան մուտք գործել Շենգենյան գոտի առանց վիզաների։ Սա չի վերաբերվում Մեծ Բրիտանիային։

Կողմերը նաև պայմանավորվել են «վերալիցքավորել» ԵՄ-ին Թուրքիայի անդամակցության բանակցությունները։

Նշենք, սակայն, որ համաձայնագրի իրականացման հետ կապված բազմաթիվ մտավախություններ կան։

Աղբյուրը՝ armedia.am