ՀՈՒՆԱՍՏԱՆԸ ՀԵՐՔՈՒՄ Է ԴԵՖՈԼՏԻ ՄԱՍԻՆ ԽՈՍԱԿՑՈՒԹՅՈՒՆՆԵՐԸ

Հունաստանը  հերքել է այն տեղեկությունը, ըստ որի այս հանգստյան օրերին երկիրը դեֆոլտ է հայտարարելու։

Հունաստանի ֆինանսների նախարար Էվանգելոս Վենիզելոսը հայտարարել է.

«Առաջին անգամ չէ, որ հավանական դեֆոլտի մասին բամբասանքների ալիք ենք տեսնում։ Մեր առաջնահերթությունն է ամբողջությամն կատարել մեր ստանձնած պարտավորությունները»:

Երեկ երեկոյան վարչապետ Գեորգիոս Պապանդրեուն հայտարարել է, որ կառավարությունը մտադիր է «խոշոր փոփոխություններ» իրականացնել երկիրը ճգնաժամից դուրս բերելու համար։