ՉԻՆԱՍՏԱՆԸ ԿԱՋԱԿՑԻ ԵՄ-ԻՆ ՃԳՆԱԺԱՄԻ ՀԱՐՑՈՒՄ

Չինաստանի վարչապետ Վեն Ցզյաբաոն հայտարարել է Եվրամիությանը ճգնաժամի հարցում աջակցության տարբերակների վերանայման մասին` Ֆինանսական կայունության եվրոպական հիմնադրամի (EFSF) և Եվրոպական ստաբիլիզացիոն մեխանիզմի (ESM) միջոցով:

Քանի որ ԵՄ հանդիսանում է Չինաստանի խոշորագույն առևտրային գործընկերը, Պեկինը հետաքրքրված է եվրոպական արժույթի կայունությամբ:
Խոսելով պարտքային խնդիրների լուծման անհրաժեշտության մասին, Չինաստանի վարչապետը հույս է հատնել, որ այդ գործում առաջին հերթին ակտիվություն ցույց կտան ԵՄ երկրները:

Ավելի վաղ Գերմանիայի կանցլեր Անգելա Մերկելն ասել է, որ Չինաստանը կարող է օգնություն առաջարկել ճգնաժամի լուծման հարցում:

Այդ խնդիրը չի սահմանափակվում Եվրոպայի շրջանակում` վերաբերելով նաև ամբողջ աշխարհին, այդ թվում` Չինաստանին:

03.02.2012