ԵՆԲ ՀԵՏ ՀԱՄԱԳՈՐԾԱԿՑՈՒԹՅՈՒՆԸ ԿԽՈՐԱՑՎԻ

ԱԱԽ քարտուղար Արթուր Բաղդասարյանն այսօր` մարտի 27-ին, ընդունել է Եվրոպական ներդրումային բանկի պատվիրակությանը` Հարավային Կովկասում եւ Կենտրոնական Ասիայում վարկային գործառնությունների բաժանմունքի ղեկավար Ֆիլիպ Սզիմչակի գլխավորությամբ:

Անդրադարձ է եղել Հայաստանում ԵՆԲ ներգրավվածությամբ մի շարք ծրագրերի իրականացմանը` այդ թվում սահմանային ենթակառուցվածքների բարեփոխման համալիր ծրագրի ընթացքին վերաբերող հարցերի:

ԵՆԲ ներկայացուցիչը տեղեկացրել է, որ Արեւելյան Գործընկերության շրջանակներում բանկին տրվել է գործունեության առավել ընդգրկուն շրջանակ` խորացնելու համագործակցությունը Արեւելյան Գործընկերության երկրների` այդ թվում Հայաստանի հետ: Այս համատեքստում կողմերը քննարկել են ԵՆԲ մասնակցությամբ մի շարք նոր նախաձեռնությունների իրականացմանն առնչվող հարցեր:

Քննարկվել է նաեւ առաջիկայում Երեւանում Եվրոպական ներդրումային բանկի, Վերակառուցման եւ զարգացման եվրոպական բանկի եւ ԵՄ այլ հաստատությունների ներկայացուցիչների մասնակցությամբ աշխատանքային համաժողովի կազմակերպման հարցը:

28.03.2012