«Իմ եվրոպացի ընկերը և ես» Երիտասարդական մրցույթ

Եվրոպայի օրվա կապակցությամբ Հայաստանում Եվրոպական միության պատվիրակությունը հրավիրում է մասնակցելու “Իմ եվրոպացի ընկերը և ես” խորագրով տեսահոլովակների երիտասարդական մրցույթին:

Հաղթողը կստանա նոր iPad3

Ո՞վ կարող է մասնակցել

- ՀՀ քաղաքացիներն ու բնակիչները

- Սիրողական և պրոֆեսիոնալ մակարդակով տեսահոլովակ նկարահանողները

Մրցույթին մասնակցելու համար պարտադիր չէ լինել պրոֆեսիոնալ

Ինչպե՞ս մասնակցել

- պատրաստել կարճ տեսակոլովակ (60վյրկ.)

- ներբեռնել այն YouTube

- լրացնել հայտը՝ ներառելով տեսահոլովակի հղումը և ուղարկել europeday@deem.am հասցեին

- մինչև 2012 թ. մայիսի 9-ը՝ ժ. 24:00-ն (Երևանի ժամանակով):

Ե՞րբ են հայտարարելու արդյունքները

Եվրոպայի օրվան նվիրված տոնակատարության ժամանակ՝ 2012թ. մայիսի 12-ին Հյուսիսային պողոտայում (Պուշկին-Աբովյան հատվածում)

Նշում. Յուրաքանչյուր մասնակից կարող է ներկայացնել մեկ տեսահոլովակ: Խնդրում ենք հայտը ուղարկելիս նշել “Եվրոպայի օրը Հայաստանում Երիտասարդական մրցույթ 2012”:

Նորույթ! Մրցույթը խրախուսում է միջմշակութային երկխոսությունը: Մրցույթի պարտադիր պայման է տեսահոլովակը պատրաստել Եվրոպայի երկրներից մեկում բնակվող եվրոպացի ընկերոջ, ծանոթի կամ որևէ մեկի հետ, ով կցանկանա աջակցել ձեզ:

Տեսահոլովակի թեման

Ձեր տեսահոլովակում դուք պետք է համառոտ կերպով ներկայացնեք ձեզ և այնուհետև անդրադառնաք հետևյալ հարցերից բոլորին կամ մի քանիսին

- Եվրոպական միություն. Ինչպիսին է ձեր հասակակից երիտասարդների կյանքը ԵՄ-ում
Իմ ընկերոջ երկիրը. Պատմեք այն արժեքների և ընդհանրությունների մասին, որ դուք և ձեր եվրոպացի ընկերը կիսում եք.

- Իմ եվրոպացի ընկերը. Ցույց տվեք, թե մշակութային տեսանկյունից ինչ տարբերություններ և ընդհանրություններ կան ձեր և ձեր եվրոպացի ըներոջ միջև.
Ընկերություն. Պատմեք, թե ինչ եք սովորել կամ բացահայտել միմյանց երկրների մասին ձեր ընկերության շնորհիվ:

Լեզու

Դուք կարող եք օգտագործել հայերեն, ռուսերեն, անգլերեն կամ առհասարակ գերադասել չօգտագործել որևէ բառ:

Ուշադրություն. տեսահոլովակի վերջում դուք պետք է հրավիրեք ձեր ընկերներին միանալու մայիսի 12-ին Հյուսիսային պողոտայում կայանալիք Հայաստանում Եվրոպայի օրվան նվիրված տոնակատարությանը:

Երբ ձեր տեսահոովակը տեղադրվի Հայաստանում Եվրոպայի օրվա Facebook էջին, հրավիրեք ընկերներին քվեարկելու տեսակոլովակի օգտին: Ամենից շատ ձայներ հավաքած տեսահոլովակը կարժանանա ժյուրիի կողմից հավելյալ միավորի:

Մրցույթին դուք կարող եք ներկայացնել միայն մեկ տեսահոլովակ:

Ինչպե՞ս Եվրոպայից որևէ մեկին ներգրավել և/կամ ներկայացնել տեսահոլովակի մեջ

Շփվելու բազմաթիվ հնարավորություններ կան: Եթե Եվրոպայի որևէ երկրում ընկեր չունեք, կարող եք օգտվել սոցիալական ցանցերի ընձեռած հնարավորությունից, կամ դիմել հայաստանցի ընկերներին, ովքեր եվրոպացի ծանոթներ ու ընկերներ ունեն: Հայաստանում գործում են նաև Եվրոպայի և Եվրոպական միության հետ գործակցող մի շարք երիտասարդական ծրագրեր և կառույցներ, որոնք կարող են ուղղորդել ձեզ:

Եվրոպայի ներկայացուցիչներին խնդրեք իրենց և իրենց երկրների մասին նյութ ուղարկել՝ ներառելու ձեր տեսահոլովակում, կամ այն պատրաստեք միասին: Եթե ցանկանում եք քայլ կատարել, անպայման շատ ուղիներ կգտնեք հաղորդակցվելու եվրոպացի երիտասարդների հետ, ովքեր ձեզ կօգնեն մրցույթին մասնակցել և հաղթել:

Ինչքա՞ն պետք է լինի տեսահոլովակի տևողությունը

Տեսահոլովակը պետք է լինի մեկ րոպեից ՈՉ երկար` ներառյալ փակման մասը:

Հանձնաժողովը չի դիտարկի երկու րոպեից երկար տևողություն ունեցող տեսահոլովակները:

Օգտագործեք ձեր ստեղծագործ միտքը և փորձեք արտահայտել ձեր գաղափարները տեսողական առարկաների, խոսքերի և երաժշտության միջոցով 60 վայրկյանում:

Ովքե՞ր են ընտրելու հաղթողին և ե՞րբ են հայտարարվելու մրցույթի արդյունքները

Հաղթողը կընտրվի ժյուրիի կողմից` մրցույթին ներկայացված աշխատանքի` պահանջներին համապատասխանելու և ստեղծագործ մոտեցում ցուցաբերելու չափանիշներով: Հաղթողի ընտրության հարցում դեր է ունենալու նաև YouTube-ում և միջոցառման Facebook-ի պաշտոնական էջում քվեների (“vote”) քանակը: Խրախուսե’ք ձեր ընկերներին քվեարկելու ձեր օգտին մինչև մրցույթի վերջնաժամկետը` 2012թ. մայիսի 9-ը:

Մրցույթի արդյունքները կհայտարարվեն Եվրոպայի օրվան նվիրված տոնախմբության ժամանակ` 2012թ. մայիսի 12-ին: Միջոցառման մանրամասները կհաղորդվեն նախապես:

Արդյո՞ք տեսահոլովակը պետք է լինի մասնագիտորեն նկարահանված և խմբագրված:

Մրցույթին մասնակցելու համար պարտադիր չէ պրոֆեսիոնալ լինել: Ազատ կարող եք օգտագործել ցանկացած տիպի տեսախցիկ կամ նույնիսկ բջջային հեռախոս, ծրագրեր և ռեսուրսներ: Դուք ազատ եք նկարահանել ձեր տեսահոլովակը ավելի քան մեկ կադրից, ավելացնել բացատրություններ, նկարներ կամ այլ նյութեր:

Ստեղծագործական հետաքրքրիր գաղափարները ողջունելի են:

Այնուամենայնիվ, նշենք, որ տեսահոլովակի ձայնը պետք է պարզ լսելի լինի. եթե դուք ցանկանում եք ձայնագրությունը կատարել դրսում, օգտագործեք բարձրախոս կամ համոզվեք, որ շատ խանգարող աղմուկ չկա շրջակայքում, որը ձեր ձայնը անըմբռնելի կդարձնի:

Ես ունեմ տեխնիկական խնդիրներ կապված տեսահոլովակի ներբեռնման հետ. ի՞նչ կարող եմ անել

Եթե արդեն հետևել եք ներբեռնման ուղեցույցին, մինչ այլ գործողություն անելը, խնդրում ենք օգտվեք YouTube-ի օգնության ռեսուրսներից (“help”): Եթե այնտեղ չգտնեք ձեր հարցի պատասխանը, զանգահարեք մեզ 094 44 33 36 հեռախոսահամարով, և մենք կփորձենք օգնել:

Քանի որ միշտ էլ առկա է տեխնիկական խնդիրների վտանգ մենք խորհուրդ ենք տալիս տեսահոլովակի նկարահանումն ու ներբեռնումը չհետաձգել մինչև վերջնաժամկետի օրը: Ուշացումով կամ թերի ներկայացված աշխատանքները չեն դիտարկվի ժյուրիի կողմից:

ՄԱՂԹՈՒՄ ԵՆՔ ՁԵԶ ՀԱՋՈՂՈՒԹՅՈՒՆ: