ՆՈՐՎԵԳԻԱՅԻ ՎԱՐՉԱՊԵՏԸ ԳԱՂՏՆԻ ՎԱՐՈՐԴ Է ԱՇԽԱՏԵԼ

Նորվեգիայի վարչապետ Յենս Ստոլտենբերգը հունիսին մեկ օր գաղտնի տաքսիի վարորդ է աշխատել Օսլոյում: Այս մասին հայտնում է BBC News-ը:

Ինչպես հայտնում է պաշտոնյան, նման կերպ ինքը ցանկացել Է ուղղակի կերպով շփվել իր ընտրողների հետ: Նրա խոսքերով, “տաքսին այն սակավաթիվ վայրերից է, որտեղ մարդիկ իսկապես կիսվում են իրենց հայացքներով”:

Վարչապետը հագել է տաքսիի վարորդի համազգեստ ու սև ակնոցներ և բացահայտել է իր ով լինելը միայն այն դեպքերում, երբ ուղևորները կարողացել են ճանաչել իրեն:

Նշենք, որ Նորվեգիայում խորհրդարանական ընտրությունները տեղի են ունենալու սեպտեմբերին:

12.08.2013