“Մենք” ամսագիր. այժմ արդեն առցանց

“Մենք” ամսագիրը հերթական անակնկալն է մատուցում իր ընթեցողներին: Այսուհետ այն կներկայացվի նաև առցանց տարբերակով: Հետաքրքրիր մշակութային նյութերը շատ են, սակայն այդ ծավալով տեղեկություն դժվար է տեղավորել ամսագրում: Առցանց տարբերակն ապահովում է հետադարձ կապի հնարավորություն, բացի այդ նման կերպ հնարավորություն է ստեղծվում կապող օղակ դառնալ նաև ընթերցողների միջև՝ միևնույն ժամանակ ընձեռելով ընթերցողի հետ համընթաց քայլելու հնարավարություն: Ահա այն դրդապատճառները, որոնք հիմք են հանդիսացել “Մենք” կայքի ստեղծման համար: Այս մասին “Մենք” կայքի շնորհանդեսի ժամանակ պատմեցին “Մենք”-ի առցանց խմբագրության կազմի աշխատակիցները: Նրանց նպատակներից է նաև երիտասարդ ստեղծագործողների համար իրենց կարծիքը հայտնելու, սեփական աշխատանքները հանրահայտ ստեղծագործողների աշխատանքների կողքին ներկայացնելու համար նոր հարթակ ստեղծելը:

Կայքի աշխատակիցների խոսքերով, այն հասանելի է չորս ռեսուրսներում, Facebook, YouTube, Google+, Twitter: Կայքում պահպանվել է հեշտ կողմնորոշվելու հնարավորությունը: “Menq.org“-ը բաղկացած է ութ հիմնական բաժիններից.

1. գրելու արվեստ

2. արվեստը խցիկում

3. արվեստը բեմում

4. ստեղծելու արվեստ

5. արվեստն առօրյա կյանքում

6. Մենք և արվեստը

7. կյանքն ինչպես կա

8. հոգեբանի անկյուն

Այս բոլոր բաժիններն ունեն իրենց ենթաբաժինները, որոնք կգրավեն նրանց, ովքեր հետաքրքված են հայկական մշակույթի ներկայով և ապագայով, ինչպես նաև միջազգային մշակութային շրջապտույտով մեր՝ հայերիս մասնակցությամբ: Կայքը կշարունակի հայկական մշակույթի առավել ճանաչելի դառնալուն ուղղված “Մենք” ամսագրի գործը՝ այդ ճանապարհին հավատարիմ մնալով եվրոպական չափանիշներին:

Աղբյուրը՝ “Արմեդիա” ՏՎԳ