Պատմություն
“Եվրոպական ինտեգրացիան” հասարակական կազմակերպություն է, որը սկսել է իր գործունեությունը 2000 թ.-ից, պաշտոնապես գրանցվել է 2002 թ.-ի նոյեմբերի 14-ին:
“Եվրոպական ինտեգրացիան” իր անդամների շահերի ընդհանրության հիման վրա ստեղծված կամավոր հասարակական միավորման տեսակ է, որը գործում է ՀՀ Սահմանադրության, ՀՀ միջազգային պայմանագրերի, ՀՀ օրենսդրության եւ սույն կանոնադրության հիման վրա:
Կազմակերպության նպատակները հիմնականում արտացոլվում են անվան մեջ` “Եվրոպական ինտեգրացիա”: Հիմնական նպատակն է Հայաստանի Հանրապետությունում ժողովրդավարական արժեքների ամրապնդումն ու տարածումը, ինչպես նաեւ քաղաքացիական հասարակության կայացումը: Մենք հավատացած ենք, որ այս ամենում իր ուրույն տեղն ու դերն ունի Հայաստանի Հանրապետության լիարժեք ինտեգրումը եվրոպական ընտանիքին:
Կազմակերպության շրջանակներում ակտիվ աշխատանքներ են տարվում հետեւյալ բնագավառներում`
- քաղաքական հետազոտություններ,
- լրատվամիջոցների հետ սերտ եւ ամենօրյա կապեր, լրատվադաշտին առնչվող ծրագրեր,
- երիտասարդության հետ կապեր եւ երիտասարդական ծրագրեր,
- գործընկերային կապերի եւ ներգրավվածության խորացում ՀՀ մարզերում եւ ԼՂՀ-ում,
- խաղաղարար եւ կոնֆլիկտների տրանսֆորմացիայի ծրագրեր,
- եվրոպական ինտեգրման գործընթացի եւ նրա լուսաբանման մոնիթորինգային ծրագրեր,
- գործընկերային կապերի ամրապնդում եւ խորացում եվրոպական երկրների ՀԿ դաշտի հետ:
Կազմակերպությունը մշակում եւ իրականացնում է բազմաթիվ ծրագրեր եւ հետազոտություններ` նվիրված ժողովրդավարությանը, մարդու իրավունքներին, եվրոպական արժեքներին, հասարակության մեջ եվրոպական ուղղության լուսաբանմանն ու լոբինգին, եւ այլն:
