Կազմակերպության կառուցվածք
Կառուցվածք (Հատված Կանոնադրությունից, 8.1-8.19)
Ժողով, վարչություն, նախագահ, փոխնախագահ, պատասխանատու քարտուղար, վերստուգիչ հանձնաժողով
Կազմակերպության ղեկավար մարմիններն են ժողովը, վարչությունը եւ նախագահը:
Կազմակերպության` վերահսկողություն իրականացնող մարմինը վերստուգիչ հանձնաժողովն է:
Կազմակերպության ժողովը`
գումարվում է երկու տարին մեկ անգամ Կազմակերպության նախագահի կողմից,
լրացումներ եւ/կամ փոփոխություններ է կատարում Կազմակերպության կանոնադրության մեջ,
ընդունում է Կազմակերպության ոազմավարությունը կարգավորող որոշումներ, հրահանգներ, կանոններ,
երկու տարի ժամկետով ընտրում է Կազմակերպության վարչություն, վերստուգիչ հանձնաժողովի նախագահներ եւ անդամներ,
վարչության կազմից երկու տարի ժամկետով ընտրում է նախագահ, նախագահի տեղակալ եւ քարտուղար:
Կազմակերպության վարչությունը`
համարվում է Կազմակերպության ղեկավար մարմինը Կազմակերպության ժողովների միջեւ ընկած ժամանակահատվածում,
քննարկում եւ որոշումներ է կայացնում Կազմակերպության գործունեությանն առնչվող բոլոր հարցերի վերաբերյալ` բացառությամբ այն հարցերի, որոնք մտնում են Կազմակերպության ժողովի իրավասությունների մեջ:
Կազմակերպության նախագահը`
ղեկավարում է վարչության աշխատանքները եւ Կազմակերպության ղեկավար մարմինն է Կազմակերպության վարչության նիստերի միջեւ ընկած ժամանակահատվածում,
որոշումներ է կայացնում Կազմակերպության գործունեության ընթացիկ հարցերի վերաբերյալ` բացառությամբ Կազմակերպության ժողովի եւ վարչության իրավասությանը պատկանող հարցերի,
վարում է Կազմակերպության ժողովի եւ վարչության նիստերը:
Կազմակերպության նախագահի տեղակալը`
կատարում է Կազմակերպության նախագահի կողմից իր վրա դրված առանձին լիազորությունները:
Կազմակերպության քարտուղարը`
կատարում է Կազմակերպության նախագահի կողմից իր վրա դրված առանձին լիազորությունները:
Կազմակերպության վերստուգիչ հանձնաժողովը`
Կազմակերպության վերահսկողություն իրականացնող մարմինն է:
