Ընթացիկ ծրագրեր

“ԽԱՂԱՂՈՒԹՅԱՆ ԳՈՐԾԸՆԹԱՑԻ ԿԱՐՈՂՈՒԹՅՈՒՆՆԵՐԻ ԿԱՌՈՒՑՈՒՄ ՊԱՇՏՈՆՅԱՆԵՐԻ ՀԱՄԱՐ ՀԱՅԱՍՏԱՆՈՒՄ” ԾՐԱԳԻՐ

«Ճգնաժամերի կառավարման նախաձեռնությունը» (CMI) իր գործընկեր «Եվրոպական ինտեգրացիա» ՀԿ-ի հետ իրականացրել է հակամարտությունների կարգավորմանն առնչվող hարցերի շուրջ եռամյա թրեյնինգ-ծրագիր Հայաստանում պետական պաշտոնյաների համար: Թրեյնինգ-ծրագրի նպատակն է ներկայացնել հակամարտությունների կարգավորման միջազգային լավագույն փորձերից քաղված դասեր, նաև ստեղծել հարթակ, որտեղ համապատասխան պետական կառույցների պաշտոնյաները կարող են ներգրավվել  հակամարտությունների կարգավորման ջանքերի և խաղաղության գործընթացների մասին կառուցվածքավորված ուղեղների գրոհի (brainstorming):
Ծրագիրն իրականացվել է  Եվրոպական միության ֆինանսավորմամբ՝ Եվրոպական գործընկերությունը՝ հանուն Լեռնային Ղարաբաղի հակամարտության խաղաղ կարգավորման (EPNK3) նախաձեռնության շրջանակներում։
Վերջին թրեյնինգն իրականացվել է ՀՀ վարչապետի  աշխատակազմի, Ազգային ժողովի և արտաքին գործերի նախարարության  ներկայացուցիչների մասնակցությամբ 2019թ. հուլիսին և կենտրոնացած է եղել Վրաստանին առնչվող հակամարտությունների և դրանց բանակցությունների ձևաչափերի վրա:
Նախորդ թրեյնինգները կենտրոնացած են եղել Հյուսիսային Իռլանդիայի, Կիպրոսի, Մոլդովայի և Արևմտյան Բակլկանների հակամարտությունների օրինակների վրա, դրանց մասնակցել են նախկին բանակցողներ և միջնորդներ, խաղաղության գործընթացի նախագծման և հակամարտությունների կարգավորման հարցերով փորձագետներ:
Ողջ ծրագրի ընթացքում մասնակիցներն ուսումնասիրել են միջազգային փորձը և հակամարտության լուծման տարբեր մոտեցումների վերաբերյալ քաղած դասերը, խաղաղության գործընթացի բազմակողմանի մշակման փուլերը, ռազմավարությունը և այլն: Տարբեր վարժանքների միջոցով մասնակիցները ծանոթացել են  հակամարտությունների վերլուծման, բանակցությունների և խաղաղության գործընթացի նախագծման կիրառական գործիքներին:
Թրեյնինգի լուսանկարներ