Ընթացիկ ծրագրեր
1) ԽԱՂԱՂԱՍԻՐԱԿԱՆ ԾՐԱԳԻՐ “ՄԻԱՍԻՆ“ (“TOGETHER”)
2011թ. հոկտեմբերին «Եվրոպական ինտեգրացիա» (Երևան), «Հումանիտար հետազոտությունների հանրություն» (Բաքու) և «Ժողովրդական դիվանագիտության ինստիտուտ» (Ստեփանակերտ) հասարակական կազմակերպությունները` «Ռազմավարական հետազոտությունների միջազգային կենտրոն» (Վրաստան) հասարակական կազմակերպության հետ համագործակցությամբ և ԱՄՆ կառավարության աջակցությամբ սկսեցին իրականացնել «Միասին» խաղաղասիրական ծրագիրը: Ծրագրի շրջանակներում ղարաբաղյան հակամարտության տարածաշրջանի երաժիշտները, պոետները, դիզայներները, PR մասնագետները, լուսանկարիչներն ու «կլիպմեյքերները» ներկայացրին «Խաղաղություն» թեմայով իրենց գաղափարներն ու աշխատանքները: Ծրագրի կազմակերպիչների մտահղացմամբ խաղաղաստեղծ գործընթացի մեջ ներգրավվեցին արվեստի ներկայացուցիչները, որոնք մինչ այդ հակամարտության կողմերի միջև երկխոսության կառուցման գործընթացում ակտիվ ներգրավում չեն ունեցել:
Ինն ամիսների ընթացքում հեղինակային խմբերի կողմից ներկայացվեցին մոտ 100 աշխատանքներ՝ «Խաղաղություն» թեմայով ատրիբուտներ, լոգոտիպներ, կարգախոսներ, բանաստեղծություններ, մեղեդիներ, լուսանկարներ ու տեսահոլովակներ: Բոլոր աշխատանքները հասարակության դատին հանձնվեցին Facebook սոց. ցանցի “Project “Together!”/Events էջում: Անանուն քվեարկությունից հետո (աշխատանքների հեղինակների անունները նշված չէին) ամենից շատ ձայներ հավաքած աշխատանքների հեղինակները երկու փուլով հանդիպեցին Թբիլիսիում, որտեղ արդեն միասնական աշխատանքի արդյունքում ստեղծվեցին Խաղաղության լոգոտիպը, կարգախոսը, բանաստեղծությունը, մեղեդին, լուսանկարը և տեսահոլովակը:
Ծրագրի արդյունքը եղավ Թբիլիսիում հանդիսավոր պայմաններում «Խաղաղության» ատրիբուտների շնորհանդեսը, որը կայացավ հունիսի 16-ին: Միաժամանակ անցկացվեց ծրագրին մասնակցած «Խաղաղություն» թեմայով լուսանկարների ցուցահանդեսը, «Խաղաղություն» երգի պրեմիերան, որը կատարում են Մհերը (Հայաստան), Լեյլա Մամմադովան (Ադրբեջան) և Հայկ Ղուլյանը (Ղարաբաղ), ներկայացվեց ծրագրի լոգոտիպը՝ «Միասին խաղաղությանն ասենք ԱՅՈ» կարգախոսով, ծրագրի տեսահոլովակը և լուսանկարը:
Նշենք, որ «Միասին» ծրագրի երգը, լոգոտիպը, կարգախոսը, տեսահոլովակն ու լուսանկարը մասնակից կողմերի ներկայացուցիչների համահեղինակության արդյունք են:
«Միասին» ծրագրի բոլոր մասնակիցներին շնորհվեցին մրցանակներ և պատվոգրեր, որոնք ստորագրված էին նաև ԵԱՀԿ Մինսկի խմբի ԱՄՆ համանախագահ Ռոբերտ Բրադկեի կողմից: Կազմակերպիչներին և մասնակիցներին միավորում էր ընդհանուր հավատը, որ նման ծրագրերը թեկուզ մեկ քայլով, մեկ նոտայով մոտեցնում են բոլորիս կողմից երկար սպասված խաղաղությունը:
Խաղաղության ատրիբուտներին կարող եք ծանոթանալ հետևյալ հղումներով՝
«Միասին» ծրագրի “խաղաղության լուսանկարները“
«Միասին» ծրագրիմիջոցառումների լուսանկարները
Ինչպես նաև «Միասին» ծրագրի ընդհանուր ներկայացումը
2) “ԵՐԻՏԱՍԱՐԴՈՒԹՅԱՆ ՁԱՅՆԸ” ծրագիր (1-ին փուլ)
 |
 |
Եվրոպական ինտեգրացիա” հասարակական կազմակերպությունը ՀՀ սպորտի և երիտասարդության հարցերի նախարարության աջակցությամբ իրականացրեց “Երիտասարդության ձայնը” ծրագիրը: Ծրագրի շրջանակներում կազմակերպվեցին դասընթացներ արտաքին քաղաքական թեմաներով (հայկական պետությունների արտաքին քաղաքական դիրքորոշումներ, շահեր, տեսակետներ, և մոտեցումներ, ղարաբաղյան խնդիրը միջազգային կառույցներում, բանակցային գործընթաց. տրամաբանություն և հեռանկարներ, եվրաինտեգրում, եվրոպական իրավական, քաղաքական համակարգ և տեղայնացման խնդիրներ, եվրոպական արժեհամակարգ, մարդու իրավունքներ և այլն):
Ծրագիրն անցակցվեց Հայաստանում (մարզերում և Երևանում) և Արցախում:
Ծրագրի նկարագրություն
Ծրագրի նպատակն է արտաքին քաղաքական դիրքորոշումներին և մոտեցումներին լավատեղյակ և այս ոլորտում որակյալ կադրերի պատրաստումը ԼՂՀ-ում, ովքեր միջազգային հարթակներում կկարողանան իրենց տեղեկացվածությամբ զսպել հակահայկական շահերը: ԼՂՀ-ում հիմնվեց հետբուհական, այլընտրանքային կրթություն ապահովող կենտրոն երիտասարդ քաղաքագետների, միջազգայնագետների, լրագրողների, պատմաբանների համար, որտեղ ոլորտի հայտնի փորձագետների և վերլուծաբանների կողմից երիտասարդները լավագույնս կպատրաստվեն Հայաստանի և ԼՂՀ-ի արտաքին քաղաքականության, եվրաինտեգրման, եվրոպական իրավական, քաղաքական համակարգի տեղայնացման խնդիրների, եվրոպական արժեքների, մարդու իրավունքների, միջազգային կառույցներում Ղարաբաղյան խնդրի, բանակցային գործընթացի հեռանկարների թեմատիկայով:
Ծրագրի թեմաները
Ծրագրի թեմաները հետևյալն էին` ՀՀ արտաքին քաղաքականություն, ղարաբաղյան խնդիրը միջազգային կառույցներում, բանակցային գործընթաց. տրամաբանություն և հեռանկարներ, եվրաինտեգրում, եվրոպական իրավական, քաղաքական համակարգ և տեղայնացման խնդիրներ, եվրոպական արժեհամակարգ, մարդու իրավունքներ:
Ծրագրի լուսաբանումը՝
“Голос молодежи”: начало поставлено в Карабахе
“Երիտասարդության ձայնը“. մեկնարկը տրված է Ղարաբաղում
“Голос молодежи” – завтрашняя “скамейка запасных” кадров Армении и НКР
Հեռուստածրագիր “Երիտասարդության ձայնը” ծրագրի մասին, (21.07.2012)
Ծրագրի շարունակականությունը
Սույն ծրագիրն ավելի գլոբալ և շարունակական ծրագրի նախապատրաստական փուլն է միայն համարվում, և երեքամսյա աշխատանքների ավարտից հետո նախատեսվում էր առաջարկվող ծրագրի խորացում և շարունակություն: ԼՂՀ-ի կենտրոնի հիմնադրումից հետո նախատեսվում է նմանատիպ հետբուհական, այլընտրանքային կրթություն ապահովող կենտրոնի հիմնադրում Հայաստանում (ներառյալ մարզերը):
Ծրագրի գործընկերները
«Եվրոպական ինտեգրացիա» ՀԿ-ի գոծընկերը ԼՂՀ-ում այս ծրագրի շրջանակներում «Արցախի ժողովրդական դիվանագիտության ինստիտուտ» ՀԿ-ն է: Հայաստանում մեր ԶԼՄ դաշտի գործընկերն է լինելու «Արմեդիա» տեղեկատվական վերլուծական գործակալությունը:
Ծրագիրն իրականացվում է ՀՀ Սպորտի և Երիտասարդության հարցերի նախարարության աջակցությամբ:
3) “ՂԱԶԱԽՍՏԱՆ. ԲԱԶՄԱՄՇԱԿՈՒՅԹ ԵՎ ՅՈՒՐՕՐԻՆԱԿ”
Մեր նախորդ ծրագրերի շրջանակում Ղազախստան կատարած երկու այցերի ընթացքում մեր թիմը Ղազախստանի մասին պատմող տարբեր նյութերի մեծ փունջ է ներկայացրել, որը ներառում է քաղաքականությունը, կառավարումը, Ղազախստանում գործող հայկական համայնքը և այլն:
“Ղազախստան. Բազմամշակույթ և յուրօրինակ” նախագիծը մեծ մասամբ կենտրոնացած է Ղազախստանի բազմամշակույթ հարստության վրա, ինչպես օրինակ, մշակույթի, ավանդույթների, խոհանոցի և այլն: Երկրում բնակվող բազմաթիվ ազգերի հարստությունը և բազմազանությունը նույնպես արտացոլվում է ծրագրում:
Ժամանակակից Ղազախստանը բազմամշակութային ժառանգության մեծ փորձ ունի. երկրում բնակվող ավելի քան 130 ազգություններ համագոյակցում են խաղաղ միջավայրում: Ավելին՝ Աստանան 2012-ին հռչակվել է ԱՊՀ մշակութային մայրաքաղաք:
Ծրագիրը երեք մասից է բաղկացած.
- Ինը սեմինար-քննարկում Հայաստանում (մայրաքաղաքում և մարզերում) մեկ ընդհանուր թեմայի շուրջ` «Ղազախստան-Հայաստան. խաչվող ուղիներ»:
Սեմինարների նպատակն է բացատրել, թե ինչ դեր ունի Ղազախստանը Հայաստանի համար: Ծրագրի թիրախային խումբն ընդգրկում է երիտասարդների՝ Երևանից և մարզերից քաղաքագետների, միջազգային հարաբերությունների և լրագրության ուսանողների, ինչպես նաև ՀՀ դիվանագիտական և քաղաքական էլիտայի ներկայացուցիչների, փորձագետների, քաղաքական գործիչների, լրագրողների և ՀԿ դաշտի ներկայացուցիչների:
Սեմինարների լուսաբանում՝
2 տարին Ղազախստանն ավելի մոտեցրին Հայաստանին,
Տնտեսական համագործակցություն սահմանների բացակայության պարագայում. Հայաստան-Ղազախստան,
“Մեծարելով տափաստանները՝ մի´ նսեմացրու լեռները”,
Կլոր սեղան-սեմինար “Ղազախստանի տնտեսական զարգացման փորձը”,Աբովյան, 2012
Կլոր սեղան-սեմինար “Ղազախստան-Հայաստան. քաղաքակրթությունների երկխոսություն”, Եղեգնաձոր, 2012
Կլոր սեղան-սեմինար “Ղազախստան-Հայաստան. քաղաքակրթությունների երկխոսություն”, Եղեգնաձոր, 2012
Սեմինար, Երիտասարդ առաջնորդների դպրոց, Երևան, 2012
- Ծրագրի լրատվական մասը
Ղազախստանի մասին ֆիլմ նկարահանելու և Ղազախստանի մշակույթի մասին տեսանյութեր ձեռք բերելու նպատակով Ղազախստան կատարած մեր այցելությունն օգտագործել հայաստանյան հեռուստաալիքով հեռարձակվող հաղորդումներում: Ծրագրի այս բաղադրիչի շրջանակում մեր տեղեկատվական գործընկերներ «Արմեդիա» ՏՎԳ-ի լրագրողներից կազմված նկարահանող խումբը ֆիլմ և մի շարք հեռուստահաղորդումներ նկարահանեց Աստանայում անցկացրած յոթօրյա այցի ընթացքում: Նկարահանվող ֆիլմը կենտրոնացած էր Ղազախստանի մշակույթի, արվեստի, ավանդությների, հանդուրժողականության մշակույթի, ինչպես նաև առօրյայի վրա: Ղազախստանի մասին հաղորդումների շարքը կանոնավոր կերպով հեռարձակվել է Հայաստանի «Երևան TV» հեռուստաալիքով, ինչպես նաև՝ տեղադրվել մեր տեղեկատվական գործընկերոջ՝ «Արմեդիա» ՏՎԳ կայքէջում:
Այս բաղադրիչի թիրախային խումբը հանդիսացել են հեռուստադիտողները և կայքն ընթերցողները:
Լուսաբանում լրատվական գործընկերոջ կողմից՝
“Յուրաքանչյուր կրոն պետք է բարություն բերի”
“Մենք Աստանայում ցուցադրում ենք ողջ աշխարհի մշակույթը”
“Քաղաքակրթությունների խաչմերուկում”
Казахстан – своеобразный и многокультурный
- Ռուսերեն և հայերեն լեզուներով Ղազախստանի մշակույթի մասին գրքի հրատարակում
Մեր կազմակերպությունը գրքի հրատարակության բավականին մեծ փորձ ունի: «Ղազախստան. Բազմամշակույթ և ինքնատիպ» գիրքը Ղազախստանը թեթև և խորը տեսանկյունից է ներկայացնում և նախատեսված է ընթերցողների լայն շրջանակի համար: Ղազախստան կատարած այցի ընթացքում իրականացված հարցազրույցները ներառված են գրքում: Վերջինս ներառելում է նաև Ղազախստանի խոհանոցի, ավանդույթների և մշակույթի մասին պատմող լավագույն հրատարակությունները: Գրքի էլեկտրոնային տարբերակին կարող եք ծանոթանալ մեր կայքի էլեկտրոնային գրքեր բաժնում:
Հարկ է նշել, որ գիրքը կտրամադրվի հայաստանյան գրադարաններին, պետական, դիվանագիտական կառույցներին, լրատվամիջոցներին և այլն:
4) “ԵՐԻՏԱՍԱՐԴՈՒԹՅԱՆ ՁԱՅՆԸ” ծրագիր (2րդ փուլ)
|
|
Ծրագրի նկարագրություն
Այս ծրագրի նպատակն է արտաքին քաղաքական դիրքորոշումներին և մոտեցումներին լավատեղյակ և այս ոլորտին քաջատեղյակ երիտասարդների “պատրաստումը” ՀՀ-ում և ԼՂՀ-ում, ովքեր միջազգային հարթակներում կկարողանան իրենց տեղեկացվածությամբ զսպել հակահայկական շահերը: Նշենք, որ 2012թ. հունիսից “Եվրոպական ինտեգրացիա” ՀԿ կողմից անցկացվեց “Երիտասարդության ձայնը” ծրագրի առաջին փուլը, որի շրջանակում ԼՂՀ-ում հիմնվեց այլընտրանքային կրթություն ապահովող կենտրոն երիտասարդ քաղաքագետների, միջազգայնագետների, լրագրողների, պատմաբանների համար, որտեղ հուլիսի 13-14-ն անցկացվեց ծրագրի առաջին փուլով նախատեսված երկօրյա դասընթաց:
Տվյալ ծրագիրն իրենից ներկայացնում է նախորդի ավելի ընդլայնված փուլը, որը նախատեսեց արդեն 2 միջոցառում` 1 եռօրյա դասընթաց Երևանում և 1 եռօրյա դասընթաց Ստեփանակերտում: Դասընթացների ընթացքում ոլորտի լավագույն փորձագետների ու վերլուծաբանների կողմից երիտասարդները ստացան անհրաժեշտ գիտելիքներ ՀՀ-ի և ԼՂՀ-ի արտաքին քաղաքականության, արդի մարտահրավերների, եվրաինտեգրման, եվրոպական իրավական, քաղաքական համակարգի տեղայնացման խնդիրների, եվրոպական արժեհամակարգի, մարդու իրավունքների, միջազգային կառույցներում Ղարաբաղյան խնդրի, բանակցային գործընթացի տրամաբանության և հեռանկարների թեմատիկայով:
Դասընթացներից հետո մեր ԶԼՄ գործընկերոջ կողմից պատրաստվեցին և տպագրվեցին տեղեկատվական նյութեր Երևանի և Ստեփանակերտի դասընթացների մասին:
Մեկնարկեց “Երիտասարդության ձայնը” ծրագրի երկրորդ փուլը (հայերեն և ռուսերեն)
Երիտասարդները` “Երիտասարդության ձայնը” ծրագրի մասին (հայերեն և ռուսերեն)
“Երիտասարդության ձայնը” հնչեց Ստեփանակերտում (հայերեն և ռուսերեն)
Եթե ցանկանում ես տեսնել ազգի ապագան, նայի´ր նրա երիտասրադությանը(հայերեն և ռուսերեն),
Երևանյան և արցախյան դասընթացների լուսանկարները
