Ընթացիկ ծրագրեր
1) “Ղազախստան` ավելի մոտ Հայաստանին”
Նախագիծը կազմված է երեք բաղադրիչ մասերից.
1. սեմինար-քննարկումներ Հայաստանում (մայրաքաղաքում և մարզերում) “Ղազախստան-Հայաստան. հատման ուղիներ”, “Ղազախստանի նախագահությունը ԵԱՀԿ-ում 2010թ.”, “Հակամարտությունների կարգավորման Ղազախստանի փորձը և հնարավորությունները”, “Ղազախստան-Հայաստան. քաղաքակրթությունների երկխոսություն” թեմաներով:
2. նկարահանումներ Ղազախստանում, որոնց արդյունքում պատրաստվելու և հեռարձակվելու է Ղազախստանի մասին հեռուստահաղորդումների շարք;
3. Ղազախստանի մասին հայերեն գրքի տպագրում:
Ղազախստանն առաջինն էր ԱՊՀ անդամ և նախկին սովետական երկրներից, որ 2010 թվականին ստանձնեց նախագահությունը ԵԱՀԿ-ում, որի գերակայություններն են մարդու իրավունքների պաշտպանությունը, ժողովրդավարական ազատությունները, հակամարտությունների կանխարգելումը և խաղաղ կարգավորումը, հանդուրժողականությունը և ԵԱՀԿ տարածքում խաղաղ գոյակցությունը:
Հայաստանն իր հերթին կարող է դեպի Եվրոպա կամուրջ հանդիսանալ Ղազախստանի համար: Ղազախստան-Հայաստան հարաբերությունները կարող են նաև քաղաքակրթությունների երկխոսության լավ օրինակ ծառայել:
2) Խաղաղաշինական նախագիծ “Միասին” (“Together!”)
“Եվրոպական Ինտեգրացիա” հասարակական կազմակերպությունը Հայաստանում ԱՄՆ դեսպանատան օժանդակությամբ իրականացնում է “Միասին” խաղաղաշինական ծրագիրը, որի շրջանակներում մի շարք երաժիշտներ, բանաստեղծներ, դիզայներներ և PR մասնագետներ Հայաստանից, Ադրբեջանից ու Ղարաբաղից ներկայացրել են իրենց ստեղծագործությունները “Խաղաղություն” թեմայով:
Մասնակիցները մասնակցել են խաղաղաշինություն, հանդուրժողականությոուն, թշնամու կերպար թեմաներով թրենինգ կուրսերի:
Մասնակիցների ներկայացված աշխատանքները տեղադրվել են նախագծի Ֆեյսբուքյան էջի վրա քվեարկության համար: Հաղթողները հանդիպումներ կունենան Թիֆլիսում միասնական աշխատանքի վրա աշխատելու համար (երգ, լոգո. սլոգան, PR ծրագիր, լուսանկարներ և վիդեո խաղաղություն թեմայով):
Ծրագրի նպատակն է աջակցել վստահության մթնոլորտի ստեղծմանը երեք թշնամական հանրությունների միջև ստեղծագործական համագործակցության միջոցով:
